راديو موال-كتب بلال الملاح..

بحبك وبكره برج الجيش الي جنب بيتنا
نسيت أخر رقم من تلفونك،
ليلة الإعتقال،
وما تذكرت إلا في الزنزانة،
بس شو الفايدة فش اتصال،
كنت مكلبش في الكرسي،
وأيداي مربوطه بحبال،
كنت بنادي مخنوق،
بس شو الفايدة فش حدا سامع صوتي،
لما طلعت الشمس كنت في البوسطة،
توخذني من سجن لسجن،
وذهني في الرقم الي ظاع،
لما وصلنا المحكمة،
عيني على جيبت القاظي،
مليانه أقلام أشكال وألوان،
مش خايف من الحكم،
قد ما انا خايف أظيع الرقم،
وتنتهي الأحلام،
قلت: لو يعطيني قلم أكتب رقمك،
ومعلش لو حكم عليّ بالإعدام،
روحت من المحكمة على التحقيق،
والطريق كان طويل وبظيق،
ذهني في الرقم ما يظيع،
وأصير بدون صديق،
شوفي يا بنت الناس،
ظاع الرقم ولا ما ظاع،
انا بحبك،
ولو حكموا علي 100 سنة،
راح أجي وأخطبك،
تزعليش لأني بكره برج الجيش
أكثر من ما بحبك.
ل بلال الملاح
#إضراب_الكرامة